Нядзельная школа katecheta

Спеўнік 1

benedict — Thu, 01 Oct 2015 07:27:26 GMT

1. ГЭТА ХЛЕБ / LAUDA SION - ЕССЕ PANIS

СЕКВЕНЦЫЯ

1. Гэта Хлеб анёлаў Божых, стаў пасілкам падарожных, што

імкнуцца да нябёс.

Хлеб сапраўдны слугаў Божых псам кідаць яго не гожа, бо яго даў сам Хрыстос.

2. У Пісаннях прадказаны, быў спрадвеку ўшанаваны, Хлеб спасланы ад Айца.

Богу Абрагам прыносіць сына ў ахвяру, просіць моцы ў веры да канца.

3. І ягнё, што выбіралі, як пасхальны дар складалі — сімвал вобраза таго.

Манна, з неба што спаслана, сведчыць аб любові Пана, міласэрнасці Яго.

4. Добры Пастыр, хлеб праўдзівы, Езу, будзь нам літасцівы, Нас кармі і апякай.

I з Айцоўскай дабрынёю ў славе, на нябесным Троне нас, дзяцей сваіх, прымай.

5. Ты ўсё ведаеш і можаш, усемагутны, вечны Божа, жывіш верных на зямлі.

Дай, каб мы ў хвале нябеснай са святымі годнай песняй праслаўляць той хлеб змаглі.

2. ГЭТЫ ВЕЛІЧНЫ САКРАМЭНТ

1. Гэты велічны Сакрамэнт / ушануйма шчыра ўсе. / Траціць моц Старое Права, / бо ўжо Новы Запавет. / Што нам розум не тлумачыць, / святло веры прынясе.

2. Богу вечнаму ў Тройцы / праслаўленне і хвала: / і Айцу і Сыну разам — / Творцу вечнага жыцця, / Духу, што ад іх паходзіць, / даўцу вечнага святла. Амэн.

3. О ЕЗУ Ў ГОСТЫІ

1. О Езу ў Гостыі, песню хвалы прымі / і будзь праслаўлены цяпер і на вякі!

2. О Езу, Пане мой, прагну я жыць з Табой; / Езу, я Твой заўжды — цяпер і на вякі!

3. О Езу, Божа мой, Збаўца душы маёй, / у сэрцы маім жыві цяпер і навякі!

4. НАШ ПАН — ХЛЕБ НЯБЕСНЫ

1. Наш Пан — Хлеб Нябесны між намі жыве; / Ён сумным надзею і радасць дае. / Пакорна сыходзіць да нас на алтар: / каб стаць нам пажывай, дае Сябе ў дар.

2. Наш Пан — Добры Пастыр, прытулак слабым / дае літасціва ў Сэрцы Сваім, / любоўю святою лагодзіць наш боль / і сум разганяе надзеі святлом.

3. Наш Пан міласэрны, Ён любіць свой люд, / прамень з неба шле ў даліну пакут, / каб шлях чалавеку дабром асвятляць, / у сэрцах па небе тугу абуджаць.

4. Наш Пан праслаўлёны, да нас Ён ідзе, / нясе супакой, суцяшае ў бядзе. / О свету, збаўленне з грахоў нас абмый / і моцай Сваёю ад злога укрый.

5. ЕЗУ, У СЭРЦЫ ТЫ МАІМ

1.Езу, у сэрцы Ты маім / радасць збаўлення мне адкрыў, / стаў для мяне крыніцай ласк; будзь праслаўлёны, Божа наш.

2. Што для Цябе ўчыніць магу, / каб паказаць любоў маю? — / Волю Тваю заўжды прымаць / і сэрца чыстым захаваць.

3. Езу, не пакідай мяне, / мая душа Табой жыве. / У час цярпення памажы / вытрываць у Тваёй любві.

6. СЛАЎЦЕ ВУСНЫ / PANGE LINGUA

1. Слаўце вусны таямніцу Цела й дарагой Крыві, Бог яе, як ласк крыніцу, у часе дзён зямных праліў. Той, Хто Маці меў Дзявіцу, — Збаўца свету, Пан хвалы.

2. Нарадзіўся з чыстай Дзевы / з мэтай збавіць людскі род. / Ён па свеце, нібы зерне, / слова кінуў у народ. / Цудам Ён тады бязмерным / скончыў там паслання ход.

3. Ноч апошню пры вячэры / з тымі, што братамі зваў, / здзейсніў чын той, як належыць, / так закон патрабаваў. / Вучням Сам Сябе даверыў / і Хлеб з рук Сваіх ім даў.

4. Слова ўцелаўлёна словам: / Сам змяняе Цела ў Хлеб. / А віно — то Кроў Хрыстова, / не спасцігне зрок Яе, / толькі вера божай мовай / у сэрцы ўпэўненасць хай шле.

5. Гэты велічны Сакрамэнт / ушануйма шчыра ўсе. / Траціць моц Старое Права, / бо ўжо Новы Запавет. / Што нам розум не тлумачыць, / святло веры прынясе.

6. Богу вечнаму ў Тройцы / праслаўленне і хвала: / і Айцу і Сыну разам — / Творцу вечнага жыцця, / Духу, што ад іх паходзіць, / даўцу вечнага святла. Амэн.

7. О, ЗБАЎЧА ГОСТЫЯ / SALUTARIS HOSTIA

1. О, Збаўча Гостыя, / нам брамы неба адчыні, / хоць люты вораг грозіць нам, / дай моц і сілу нам спашлі.

2. Адзіны ў Тройцы Бог Святы, / Табе хвала у кожны час, / ў Айчыну вечную вядзі, / дары жыццём бясконцым нас. / Амэн.

8. БУДЗЬ ЗАЎСЁДЫ ПАХВАЛЁНЫ

Будзь заўсёды пахвалёны, ўсімі намі праслаўлёны Найсвяцейшы Сакрамэнт, наш нябесны Тэстамэнт.

9. ХАЙ ЖА БУДЗЕ ПРАСЛАЎЛЁНЫ

Хай жа будзе праслаўлёны, Найсвяцейшы Сакрамэнт, праўдзівае Цела і Кроў Пана нашага Езуса Хрыста.

10. ХВАЛА І ПРАСЛАЎЛЕННЕ

Хвала і праслаўленне будзь у кожным моманце Езусу ў Найсвяцейшым Божым Сакрамэнце. Колькі хвілін у гадзіне і гадзін у вечнасці, столькі будзь пахвалёны, Езу, ўзор міласці.

11. СЛАЎЛЮ ПАНА

Слаўлю Пана ў кожным моманце, о, Хлебе наш жывы, у Сакрамэнце, о, Хлебе наш жывы, у Сакрамэнце.

12. БОГУ ЗАСПЯВАЙМА ЎСЕ

1. Богу заспявайма ўсе, / дзякуем Табе, о Пане, / бо і ў шчасці і ў тузе / Ты заўсёды разам з намі. / Богу заспявайма ўсе / спеў падзякі, радасці спеў.

2. У бясконцай дабрыні / Ты збаўленне нам прызначыў. / Свайго Сына з вышыні / даў нам і грахі прабачыў. / Богу заспявайма ўсе...

3. Каб жылі мы як браты, / у любові без заганы, / Жыватворчы Дух Святы, / Суцяшальнік нам пасланы. / Богу заспявайма ўсе...

4. І паўсюль дзе толькі тут / нас вядуць шляхі зямныя, / не пакіне верны люд / Маці Божая Марыя. / Богу заспявайма ўсе...

5. Божа, у неба нас вядзі, / захавай ад вечнай смерці, / у кожную сям'ю прыйдзі, / Валадар у кожным сэрцы. / Богу заспявайма ўсе...

13. МАГУТНЫ БОЖА

1. Магутны Божа! Уладар сусветаў, / вялікіх сонцаў і сэрц малых. / Над Беларусяй ціхай і ветлай, / рассып праменні Свае хвалы.

2. Дай спор у працы штодзённай, шэрай, / на лусту хлеба, на родны край. / Павагу, сілу і веліч веры / у нашу праўду, у прышласць — дай!

3. Дай урадлівасць жытнёвым нівам, / учынкам нашым пашлі ўмалот! / Зрабі магутнай, зрабі шчаслівай / краіну нашу і наш народ!

14. ВЯЧЭРНЯЯ МАЛІТВА

1. Езу, мой Пане, Ты мне дай сёння / жыць да змяркання ў Тваім законе. / Сніся ж мне ў ночы, размаўляй са мною / як прымкну вочы, будзь з маёй душою. / О, Езу наймілейшы!

2. Пад Твае ногі галаву схіляю, / рады, успамогі ад Цябе чакаю. / Хай Твае раны будуць мне за ложа, / Езу каханы, Збаўца мой, о Божа. / О, Езу наймілейшы!

3. Пэўны апекі я хай буду божай, / хворым, калекам Езус дапаможа. / Сэрцам, душою Богу аддаюся, / з ціхай слязою да Яго малюся. / О, Езу наймілейшы!

4. О, наймілейшы, о маё каханне, / найдаражэйшы скарб, нябесны Пане! / Хай пры Табе я сплю ў супакоі, / мая надзея, асалод здароўя. / О, Езу наймілейшы!

15. ЕЗУСА СЭРЦА

1. Езуса Сэрца, міласць гарача, мольбы пакорна нашы нясём. Хоць мы і вельмі грэшны, аднак жа шчыра Табе мы чэсць аддаём. Не выпускай жа Ты з ласкі нас, будзь паратункам у кожны час.

Рэфрэн: Езуса Сэрца — найбольшы скарб наш, будзь міласэрным да грэшных нас.

2. Езуса Сэрца, Ты, што за нашы / віны цяжкія з неба зышло, / за чалавецтва, церпячы страшна, / дзідай ліхой прабіта было. / Просьбы ласкава ад нас прымі, кары Свае ад нас адхілі! / Езуса Сэрца...

3. Езуса Сэрца смутным да скону / Ты за правіны нашы было, / праз міласэрнасць, з Божага трону / людзям без меры шчасце зышло! / Той, хто дабротаў з верай жадаў, / з Божае ласкі ўсё атрымаў. / Езуса Сэрца...

4. Езуса Сэрца, Бога на небе, / намі кіруй у кожну пару, / хай жа ў працы, у кожнай патрэбе / ўзносім з мальбою сэрцы ўгару. / Дзе шчасце вечна, дзе светлы рай, / Божа, туды патрапіць нам дай! / Езуса Сэрца...

5. Езуса Сэрца, дай жа нам цноты: / веру, надзею, міласць к Табе; / Богу служыць дай верна, з ахвотай — / так мы здабудзем неба сабе. / Хай не забрудзіць душы нам грэх, / бо толькі Божых хочам пацех. / Езуса Сэрца...

6. Езуса Сэрца, будзь праслаўлёна / Ты ад людзкога роду ўсяго. / Прагнеш, каб кожны з нас быў збавёны, / прымеш мяне як сына свайго. / Будзь Богу слава ў Тройцы Святой, / а на зямлі ўсім нам супакой. / Езуса Сэрца...

16. О, СЭРЦА БОГА

1. О, Сэрца Бога ў Збаўчай Гостыі белай, / свет з верай ў сэрцы гімн Табе спявае, / бо Ты пакуты за ўсіх нас цярпела, / шчыра мы Цябе ўслаўляем.

2. О, Найсвяцейша Збаўцы Кроў Святая, / дар жыватворны, што нам з неба даны, / ласкі крыніца, што грахі змывае, / гоіць нам цяжкія раны.

3. О, добры Езу, божую дай манну, / не пагарджай Ты вернымі сваімі. / Узносім падзяку мы неперастанна / ўраз з анёламі й святымі.

17. О, БЯСКОНЦАЯ КРЫНІЦА

1. О, бясконцая Крыніца Божай любові, / скарб сапраўднай асалоды - Сэрца Святое. / Месяц, сонца, ясны зоры, неба цэлае, анёлы / з захапленнем спазіраюць, ласкі чакаюць.

2. Быў за грэшных нас ганебна Ты ўкрыжаваны. / Кроў, каб свет абмыць наш грэшны, выцекла з раны. / Чалавекам бічаваны, да крыжа ім прыкаваны, / цернем укаранаваны — так зневажаны.

3. Той Выток Святы, што з Сэрца нам выплывае, / душы грэшныя людскія ўсе абмывае. / I напоўніць іх надзеяй, стануць нібы снег той белы, / у Святой салодкай Ране знойдуць трыванне.

4. О, Надзея ўсіх гаротных, што так смуткуюць, / хай жа словы суцяшэння ў скрусе пачуюць. / Ты пацеха ўсіх журботных, смак раскошаў несмяротных, / Езу, сэрцам праслаўлёны, будзь пахвалёны!

5. Просім ласкі для збаўлення нам абяцанай, / і душой, і целам шчыра так пажаданай. / Хай жа вобраз Твой лагодны аглядаці буду годным / са святымі па-над часам у небе разам.

18. БЛАСЛАВІ НАС, ДОБРЫ ЕЗУ

1. Блаславі нас, добры Езу, / Сэрца мы Тваё ўслаўляем. / Хай жа гэты скарб каштоўны / ў нашых сэрцах зберагаем.

2. За любоў Тваю прыносім / тое ўсё, што сёння маем. / Сэрца Бога шчыра просім: / хай жа нас не пакідае.

3. О, Святое Сэрца Бога, / неба гімн Табе спявае, / Маці зычыць ласкаў многа, / люд Цябе Твой праслаўляе.

4. Не пакінь нас, шчыра просім, / і не дай з дарогі збіцца./ Сэрцы ў дар Табе прыносім, / ласкі божае Крыніца,

5. Будзь, о любы Езу, з намі, / ззяй нам Сэрца прамянямі, / ззяй Сваёй любові сонцам / нам у вечнасці бясконца.

19. ЛАСКІ КРЫНІЦА

1. Ласкі Крыніца, будзь жа прывітана, / Езуса Сэрца, о, Святая Рана. / Сэрца сагрэй мне любасцю, лагодай, / слодыч нябёсаў, дай

спакой і згоду.

2. Рана Святая будзь жа блаславёна, / будзь жа навекі намі праслаўлёна; / а праз ваду і кроў Табой праліту, / хай будуць душы грэшныя абмыты.

3. Дасць сілу слабым Кроў Твая Святая, / а з душаў віны хай вада змывае. / Сэрца маё хай, ласкаю натхнёна, / узносіць малітвы перад Божым тронам.

4. Хай жа ў дарозе па жыцці часовым / Рана Святая будзе мне ўзорам. / Езуса Сэрца, поўнае пакоры / хай у часе смерці будзе абаронай.

5. Бога я прагну, да Яго імкнуся, / быць ля Святога Сэрца спадзяюся. / У ім мая радасць і маё натхненне, / ўзношу з падзякай да Яго маленні.

20. БУДЗЬ ПРЫВІТАНА

1. Будзь прывітана, Сэрца Пана Бога, / — верным апора, грэшным дапамога. / Шчыра паклоны мы Табе складаем, / з жалем, у пакоры міласці чакаем.

2. Поўніцца Сэрца божай дабрынёю, / каб мы не зналі злога грэху болей. / Хай Кроў Святая душы нам абмые, / свет божай праўды й чысціні адкрые.

3. Болей за дзіду лютага Лангіна / Божае Сэрца раняць нашы віны. / У скрусе прымаю я Святую рану: / у ёй — паратунак, з ёй шчаслівым стану.

4. З ранай святою хочам жыць, уміраці; / мудрасць адвечну з верай спазнаваці, / душы ачысціць, з Богам у небе жыці, / Сэрца Святое праз вякі хваліці.

21. О ДУША ХРЫСТОВА

О Душа Хрыстова, асвяці мяне.

Цела Хрыстова, захавай мяне.

Кроў Хрыстова, напаі мяне.

О вада з боку Хрыстова, абмый мяне.

Мука Хрыстова, умацуй мяне.

О добры Езу, пачуй мяне.

У сваіх ранах укрый мяне.

Не дазволь мне Цябе пакінуць.

Ад ворага злога барані мяне.

У гадзіну смерці пакліч мяне.

І дазволь да Цябе прыйсці,

Каб са святымі хваліць Цябе

На векі вечныя. Амэн.

22. ПАД ТВАЕ ПРЫХОДЗІМ ДЗВЕРЫ

Пад Твае прыходзім дзверы,

Шчырым сэрцам, поўны веры:

Што пад відам скрыты хлеба,

Ты ёсць Бог праўдзівы з неба.

Зразумець нам трудна гэта,

Каб Сын Божы — Збаўца свету

Аж так скрыўся ўсім на дзіва

I ў Гостыі жыў праўдзіва.

Міласць Бога заяснела,

Як змяніў хлеб у сваё цела —

Нам пакінуў спажываці,

Каб праз гэта нас збаўляці.

Несмяротны, моцны Божа,

Зразумець Цябе хто можа?

Ты для грэшных справядлівы

I для добрых міласцівы.

Хоць Анёлы ў небе блізка,

Прад Табою паўшы нізка,

Усцяж на твар Твой спаглядаюць,

Чым ёсць Бог аднак, не знаюць.

Нат анёлам Бог спрадвеку

Так не даў, як чалавеку!

Прыступаць да Бога смела,

Спажываць Ягона цела.

Я таго нягодзен, Пане,

Каб ва мне меў прабыванне —

Скажы толькі адно слова,

I душу мне збавіш знова.

Б'ю паклоны прад Табою,

Ласку май над грэшным мною.

Хай жывы з Табою, Панам,

Аж на векі вечны. Амэн.

23. ПАНЕ, ДОБРЫ ЯК ХЛЕБ

Рэфрэн:

Пане, добры, як хлеб,

Будзь праслаўлёны паўсюдным Касцёлам.

Бо так бязмежна Ты палюбіў нас,

Бязмежна Ты палюбіў нас.

Ты хлеб памножыў на пустыні, Божа,

Каб мы ў шляху да неба сілы мелі.

Ты маннай стаў вандроўнікам галодным —

Для тых, што вечна быць з Табой хацелі.

Пане, добры, як хлеб...

Жніво настала, радуюцца людзі,

Саспела ніва, пахне свежым хлебам.

Хай алтаром зямля ўся наша будзе,

А хлеб — Камуніяй тым, хто прагне неба.

Пане, добры, як хлеб...

Ты нас сваімі назавеш сябрамі,

Калі мы зробім, што Ты загадаў нам.

Што ж без Цябе ўчыніць мы можам, Пане,

Бо Ты для нас — жыццё і спадзяванне!

Пане, добры, як хлеб...

Ты на крыжы аддаў жыццё за грэшных,

А сам застаўся Хлебам у святынях.

Для нас адкрыта Сэрца Тваё вечна,

Бо як дзяцей Ты, Божа, палюбіў нас.

24. ТЫ — МАЯ РАДАСЦЬ

Рэфрэн:

Ты — мая радасць, о Езу мой, Ты — маё шчасце, о Езу мой.

Ты —мая радасць, о Езу мой, Ты — маё шчасце, о Езу мой!

Езу, Цябе люблю ўсёй душою, Ты мне надзеяй і супакоем.

Ты — мая радасць, о Езу мой...

Хрыстэ, к Табе ў думках імкнуся; На Цябе, Пане, я спадзяюся.

Ты — мая радасць, о Езу мой...

Езу, Цябе ўсім сэрцам люблю я, іншай любові і не хачу я.

Ты — мая радасць, о Езу мой...

Свету багаццяў я не жадаю, Бо ўсёй душою Бога шукаю.

Ты — мая радасць, о Езу мой...

Страціць гатовы я ўсё, што маю, Ты — скарб адзіны, з Табой трываю.

Ты — мая радасць, о Езу мой...

Быць пры Табе заўсёды жадаю, толькі Табе жыццё давяраю.

Ты—мая радасць, о Езу мой...

25. ХЛЕБ НЯБЕСНЫ

Рэфрэн:

Хлеб Нябесны даў нам Пан, каб жылі вечна.

Спажываем Хлеб Благаславёны —

Цела Пана і Бясцэнную Кроў.

Мы п'ем з Келіха збаўлення

напой, які смагу душы спаталяе.

Хлеб Нябесны даўнам Пан...

Прыняўшы Хлеб Святы, будзем праслаўляць Бога,

Які на ўсёй зямлі ўчыніў вялікія справы.

Узрадуйцеся, справядлівыя ў Пану,

Прымаючы Цела і Кроў Хрыстовы.

Хлеб Нябесны даў нам Пан...

Сёння мы спажываем Хлеб Анёлаў,

Сёння мы бачым Езуса Хрыста, нашага Пана;

Сёння мы праслаўляем Агонь, які гарыць на алтары,

У ценю якога спяваюць Сэрафімы.

Хлеб Нябесны даў нам Пан...

Сёння мы чуем моцны і салодкі голас:

Гэтае Цела спаліць грахоў церні

I асвеціць людскія душы,

Якія прымаюць Боскую Спажыву.

26.УПАЎШЫ НА КАЛЕНІ

Упаўшы на калені,

Бога спахваляйма,

У кожным сэрц імкненні:

Хвала, хвала, хвала.

Спявай, зямля і неба:

Езусу Гасанна!

Утоенаму ў хлебе -

Хвала, хвала, хвала.

О, паўтарай, народзе,

Увечары і рана,

На захадзе і ўсходзе:

Хвала, хвала, хвала.

О збаўчая Ахвяра,

Што ратункам стала,

Будзь вечна праслаўлёна!

Хвала, хвала, хвала.

Спеўнік 2

benedict — Thu, 01 Oct 2015 07:24:43 GMT

НА ВЯЛІКІ ПОСТ

27. А ПАД КРЫЖАМ МАЦІ СТАЛА

А пад крыжам Маці стала.

Крыж у смутку абдымала.

На якім канаў Бог-Сын,

На якім канаў Бог-Сын.

Дзідай бок Яго праткнуты.

На высокі крыж пакуты

Ён пайшоў за ўсіх адзін,

Ён пайшоў за ўсіх адзін.

Як суцешыць Маці мукі?

На Яе святыя рукі

Сына кроў сцякае з ран,

Сына кроў сцякае з ран.

Маці, з-пад крыжа святога,

Распалі любоў да Бога,

Бога Сына, Ён - наш Пан,

Бога Сына, Ён - наш Пан.

28. О КРОЎ СВЯТАЯ

О Кроў святая, о Кроў адкуплення,

Напой жыццёвы з неба нам пасланы.

Ласкі крыніца! О цана збаўлення!

Ты правінаў лечыш раны.

О Кроў святая, у келіху укрыта,

Каб нашы душы ты сабой паіла.

Грэшным крыніца міласці адкрыта,

Каб усе правіны змыла.

О Кроў святая, о Кроў адкуплення,

3 Божага Сэрца ты выток свой мела.

Вечна хай будзе хвала й пакланенне

На зямлі табе і ў небе.

29. О САДЗЕ АЛІЎНЫ

О садзе Аліўны, як твой від мне дзіўны!

Вобраз сумны бачу — Езус, Бог мой, плача.

Пот крывавы пралівае, боль і страх Яго сціскае.

Ах, Езус стаў млеці — быў Ён блізкі смерці.

Келіх мукі горкай Ён прыняў пакорна,

Каб Айца праславіць і народ свой збавіць.

Там Анёл з Ім размаўляе, прад пакутай узмацняе.

Ах, Езу, мой Пане, стомлены змаганнем!

Вучні засынаюць, Збаўцу пакідаюць.

Здраднік надыходзіць, жаўнераў прыводзіць.

Пацалункам свайго Пана выдае на катаванне.

Ах Езу, мой Пане, скуты кайданамі!

Не судом Пілата Збаўца быў распяты,

Смерць прыняў у муках, зведаў ганьбу й смутак.

Мае ўчынкі то зрабілі, да крыжа Яго прыбілі.

Пан цярпеў нявінна за мае правіны!

30. ПАНЕ, ТЫ БАЧЫШ

Пане, Ты бачыш - крыж Твой не мінаю;

Пане, Ты бачыш - да крыжа імкнуся.

3 болем і скрухай на крыж пазіраю,

Да трона Бога на зямлі імкнуся.

На крыж кладу я ўсе мае жаданні,

Тут прыбіваю грэшных думак мроі,

Сэнс свой шукаю я ў Раскрыжаванні,

Дзе з-пад кароны кроў цячэ па скроні.

Стаўшы пад крыжам, стомлены сабою,

Прагну я ў сэрцы несці крыж заўсёды,

Каб не глуміўся вораг нада мною,

Каб крочыць шляхам праўды і свабоды.

Не заслужыў я ласкі суцяшэння,

Бо вельмі доўга ад Цябе хаваўся.

Ты, Пане, клікаў да майго сумлення,

А я ў цемры моўчкі заставаўся.

Ты мне насустрач першы выйшаў, Пане,

Каб запрасіць зноў на свой шлях крыжовы.

Так і не выйшаў я на прывітанне Збаўцы,

што міласць даць мне быў гатовы.

Сёння з надзеяй пад крыжом шукаю

Тое, што страціў, Пана не спаткаўшы,

Грэх мой з пакорай прад Табой трымаю,

Не адыходжу, міласці спазнаўшы.

Дай мне заўсёды быць з Табою, Збаўца,

Каб крыж мой стаўся мужнасцю і сілай.

Каб у жыцці больш з крыжам не расстаўся,

Каб ён узнёсся над маёй магілай.

31. ПАСТЫР НАС ПАКІНУЎ

Рэфрэн:

Пастыр нас пакінуў, ласк усіх крыніца,

Добры Адкупіцель адышоў з зямліцы.

Пастыр адышоў, што нас палюбіў.

Ён Кроў за нас праліў, з грэху нас абмыў.

У час канання Збаўцы сонца пацямнела,

Скалы затрасліся, уся зямля знямела.

Пастыр адышоў...

Пастыр наш і Збаўца вырваў джала смерці,

Каб не даць навекі грэшніку памерці.

Пастыр адышоў...

Знішчыў моц шатана сваёй Боскай сілай,

Нас ад пекла збавіў наш Заступнік мілы.

Пастыр адышоў...

32. ПЛАЧЦЕ, АНЁЛЫ

Плачце, Анёлы, вы святыя духі,

Радасць хай знікне, бо настаў час скрухі.

Плачце, паклаўся на святое ложа

Княжа сусвету, Валадар наш Божа.

Плач, ясна сонца, месячнае кола.

Не ззяйце зоркі, сёння так вясёла.

Плачце, праменне, не мігайце ясна -

Хто свеціць вечна, Тое Сонца гасне.

Плачце, аблокі, дажджавыя хмары.

Слёзы, як росы, сейце на абшары.

Хто вас развешаў тут на небасхіле,

Той спачывае на зямлі ў магіле.

Плачце, пагоркі, горы і даліны.

Плачце, жывёлы, птушкі і расліны.

Сорам змывайце горкімі слязамі,

Грэх ваш замучыў Князя над князямі.

Плач ты, зямліца. Ён цябе пакінуў,

Хто чалавеку даў цябе як сыну.

Той, хто калісьці з праху, з пылу ўзняўся,

Сёння забойцам Бога Збаўцы стаўся.

Плач, чалавеча, бо астыла цела,

Сэрца не б'ецца, што любіць хацела.

Хоць знішчыць міласць грэх твой намагаўся,

Бог назаўсёды пры табе застаўся.

33. СВЯТЫ КРЫЖУ

Святы крыжу, наймілейшы,

3 усіх дрэваў найслаўнейшы,

У гэтым дрэве моц і сіла,

Яно Езуса насіла;

3 яго плыве асалода

Для гаротнага народа.

Дрэва цвёрдае, змякчыся,

Да зямлі аж прыхіліся!

Спусці цела майго Пана

Яно вельмі скатавана.

Дазволь Яму адпачыці,

На зямлю скарэй сступіці.

Выбраў Бог цябе адвеку

На збаўленне чалавеку:

3 Цябе ласка людзям дана,

Душа наша ўзмацавана,

Крывёй Божай уся абмыта,

Што праз Езуса праліта.

Як у зімнай ляжаў стайні,

Для яго не была тайна:

Каб свет грэшны адкупіці,

Трэба кроў сваю праліці,

Там звяры паклон давалі,

А тут людзі катавалі.

Нечувана міласць гэта,

Каб ісці на крыж для света!

Хто ж так будзе міласцівы,

Такі добры, літасцівы?

Сам Пан Езус гэта справіў —

Нас ад пекла крыжам збавіў.

Чаму тваё сэрца горда,

Як бы камень, глуха-цвёрда?

Ты над Езусам не плачаш,

Хоць Яго на крыжы бачыш;

На ахвяру Богам даны,

3а цябе ўкрыжаваны.

34. О, ЕЗУ, ЕЗУ

1. О, Езу, Езу, поўны пакоры, / Ты праз пакуты свет адкупіў, / Смерцю Сваёю на дрэве крыжа, / грэшнаму люду неба адкрыў.

2. Мужна ішоў Ты шляхам пакутным, / крыж нашых вінаў нёс на Сабе. / Каб Збаўцам свету стаць Усемагутным, / зносіў цярпенні цяжкія ўсе.

3. Падаў крывавы пот на рамёны, / каты ўсклалі з церняў вянок, / людзі "Распні!" крычалі шалёна, / воцату з жоўцяй далі глыток.

4. Укрыжавалі ды зневажалі: / "Ты, што будуеш цэрквы ў тры дні, / зараз уратуй Сябе Ты самога, / Цар Ізраэля, з крыжа зыйдзі!"

5. А як настала смерці хвіліна, / узняў вочы Езус, кліча ў тузе: / "Нашто мяне Ты, Божа, пакінуў / дух аддаю мой у рукі Твае".

6. О, людзі, людзі, у чым Езус вінен, / чым заслужыў Ён ганьбу і крыж? / Што за злачынства Ён нам учыніў, / ўзносячы душы грэшныя ўвыш?

7. Езу, чаму мы моцна грашылі, / не шанавалі Бога любоў? / Цернямі злосці Сэрца прабілі, — / капае з ранаў Божая кроў.

8. Божа, даруй нам нашы правіны, / выбач нам, Езу, злыя грахі: / пыху, нячыстасць, гневу хвіліны, / просім, пакорай нас абдары.

35. О, АДКУЛЬ ЖА, ЕЗУ

1. О, адкуль жа, Езу, жорсткасць гэтай раны? / Кім было Святое Цела скатавана? / Што за моц рука і сіла Сэрца Божае прабіла? / Гэта злосць людская Сэрца зневажала.

2. Т ы да нас любоўю Божай быў пасланы, / у беднасці убогай свету быў адданы. / Яслі сталі першым ложам, і тады ўжо, добры Божа, / Юдам быў праданы, / меў на Сэрцы раны.

3. I калі ў Егіпет разам з Маці Божай, / Езу, уцякаў Ты ад рукі варожай, / ужо любові дзіўнай сіла / ў Сэрцы рану распаліла. / Толькі праўда гэта / ўкрыта перад светам.

4. Езу, працаваў Ты ў родным Назарэце, / Князь вячыстай славы, пагарджаны ў свеце. / Рану ўжо насіла Сэрца, што пакутамі завецца, / толькі Маці міла іх з Табой дзяліла.

36. ЕЗУ, БОЖА МІЛАСЭРНЫ

Езу, Божа міласэрны,

У дабрыні Сваёй нязмерны:

Зьшоў, зышоў на зямлю Ты з неба

I ўтаіўся ў крышынцы хлеба.

Праз людзей быў затрыманы,

I на суд, як злодзей, гнаны,

Вінавачаны фальшыва,

Суджаны несправядліва.

Збічавалі Тваё Цела,

Не было і часткі цэлай,

Ранамі ўсяго пакрылі,

Найсвяцейшу Кроў пралілі.

Пасля вострую карону

На Твае ўсклалі скроні,

Каралём на смех убралі,

Здзекваліся, як жадалі.

На зямлю пад крыжам падаў,

I на ім прыбіць Сябе даў,

Працярпеўшы страшны мукі,

Аддаў Богу душу ў рукі.

37. О, МОЙ НАРОДЗЕ

Рэфрэн:

О, мой народзе, што табе зрабіў я?

У чым вінаваты прад табою быў я?

1. Я цябе вывеў з моцы фараона, / а ты прызначыў крыж мне на рамёны. О, мой народзе...

2. Я вёў цябе ў край сонечны і хлебны, / ты ж Мне прызначыў смерці знак ганебны. / О, мой народзе...

3. Я цябе выбраў Божаю лазою, / а ты Мне воцат даў замест напою. / О, мой народзе...

4. Я над Эгіптам здзейсьніў пакаранне, / а Мяне выдаў ты на бічаванне. / О, мой народзе...

5. Я за палон твой помсціў фараону, / ты ж учыніў Мне суд сынэдрыёну. / О, мой народзе...

6. Я прад табою раскрыў мора хвалі, / а ты Мне дзідай бок раскрыў бяз жалю. / О, мой народзе...

7. Я ў аблоку вёў цябе дахаты, / ты ж Мяне з крыкам вёў на суд Пілата. / О, мой народзе...

8. Я цябе маннай накарміў у пустыні, / ты ж Мне аддзячыў поўхамі сваімі. / О, мой народзе...

9. Я табе з камня даў вады крыніцу, / а ты Мне горкай жоўці даў напіцца. / О, мой народзе...

10. Я хананэяў збіў Сваёю сілай, / ты ж галаву Мне моцна збіў трысцінай. / О, мой народзе...

11. Я даў падставы Юдзінаму трону, / а ты Мне з церняў узлажыў карону. / О, мой народзе...

12. Я цябе ўзвысіў, людзе Мой абраны, / а ты Мяне ўзняў на крыжы драўляным. / О, мой народзе...

38. НА КРЫЖ ПРЫБІТЫ

1. На крыж прыбіты, Бог Сын цвікамі, / плач, чалавеча за грэх слязамі. / Ах, ах! На крыжы ўмірае. / Езус вочы закрывае.

2. Зранена страшна Божае цела, / зліта крывёю ў ранах вісела. / Ах, ах! То грэх наш пракляты мучыць Бога так заўзята.

3. Коле карона голаў балюча, / вусны спаліла смага пякуча./ Ах, ах! За маё зграшэнне / Езус млее ад цярпення.

4 .Пад крыжам Маці плача, канае, / Матчына сэрца жаль разрывае. / Ах, ах! Злосць мая ліхая страшна Богу адплачае.

5. Буду ўжо лепшым, памажы мне, Божа, / грэх, вораг люты, болей не можа. / Ах, ах! Годзе ўжо грашыці, / з ласкай Божай хачу жыці.

6. I з Магдаленай пакутаваці, / за ўсе зграшэнні адшкадаваці. / Ах, ах! Зжалься нада мною, / Божа, дай мне жыць з Табою.

7. Сёння з грахом я пачну змагацца / і з жалем буду я спавядацца. / Ах, ах! Мне прабач, о Божа! / Болей грэх мяне не зможа

ЯКІ ЗА НАС ЦЯРПЕЎ АД РАНАЎ

Які за нас цярпеў ад ранаў, Езу Хрыстэ, змілуйся над намі.

Спеўнік 3

benedict — Thu, 01 Oct 2015 07:22:18 GMT

ВЕЛІКОДНЫЯ СПЕВЫ

39. У РАДАСНАЕ СВЯТА СЕКВЕНЦЫЯ

1. У радаснае свята Пасхальнай Ахвяры / верныя прыносяць

праслаўлення дары. / Адкупіў авечак Хрыстус наш бязвінны, / паяднаў з Айцом нас, змыў грахі, правіны.

2. У баі вялікім смерць жыццё сустрэла. / Хоць памёр, усё ж Ён валадарыць смела. / Адкажы, Марыя, што было ў дарозе? / — Уваскрос, жывы Ён, годзе быць трывозе.

3. Гэтаму Анёлы сведкамі там сталі: / толькі палатно ды вопратка ляжалі. / Уваскрос ужо Хрыстус, Бог мой і Надзея, / месцам жа спаткання будзе Галілея.

4. Сапраўды ўваскрос Ён — гэта цуд праўдзівы. Смерці Пераможца, будзь жа літасцівы.

40. СЫНЫ І ДОЧКІ

Рэфрэн:

Аллелюя, аллелюя, аллелюя!

1. Сыны і дочкі, Бог з нябёс / з памерлых сёння ўваскрос, / без межаў радасць нам прынёс. Аллелюя!

Аллелюя...

2. Суботні ранак ужо настаў, / якога кожны з нас чакаў, / ля гробу вучняў ён сабраў. Аллелюя!

Аллелюя...

3. Марыя Магдалена, / Якуб і Саламея / прыйшлі намасціць цела. Аллелюя!

Аллелюя...

4. Анёл у шатах белых / жанчынам весціць смела: / "Хрыстос у Галілеі!" Аллелюя!

Аллелюя...

5. А як настала ўжо пара, / Ян, папярэдзіўшы Пятра, / прыбег да гробу ледзь зара. Аллелюя!

Аллелюя...

6. Паміж Апосталаў стаяў, / Хрыстос лагодна прамаўляў / і свой спакой ім перадаў. Аллелюя!

Аллелюя...

7. Хоць Дыдым усё і разумеў, / сумнеў ва Ўваскрашэнні меў / і з тым мірыцца не хацеў. Аллелюя!

Аллелюя...

8. "Узглянь, Тамаш, на левы бок, / на рукі ўзглянь, на раны ног / і вер, што смерць я перамог". Аллелюя!

Аллелюя...

9. Як на Хрыста Тамаш глядзеў, / сумненняў больш ужо не меў. / Сказаў: "Ты Бог!" — я зразумеў. Аллелюя!

Аллелюя...

10. Шчаслівы, Бога хто спазнаў, / хоць раны Сына не кранаў. / Жыць у нябёсах Бог ім даў. Аллелюя!

Аллелюя...

11. У святое свята гэтае / ўсё стварэнне хай пяе, / Хрысту пашану аддае. Аллелюя!

Аллелюя...

12. Падзяку Тройцы ўзнясём, / Айца і Сына вызнаём / і Духа Творцам мы завём. Аллелюя!

Аллелюя...

41. ПАСХАЛЬНУЮ АХВЯРУ. /СЕКВЕНЦЫЯ./

Пасхальную Ахвяру праслаўляйце, хрысціяне.
Адкупіў авечак сам, як ягнятка, ціхі Пан.

Паяднанне з Айцом Хрыстус нам даў.

Смерць з жыццём страшэнны бой правялі паміж сабой: смерці моц перамог і жыве Бог.

3. Нам скажы, Марыя, што ў дарозе бачыла? —

Гроб пусты, Хрыста жывога, хвалу Ўваскрасення святога, палатно ляжала; я з Анёлам размаўляла.

Пан ўваскрос, мая надзея, а месцам спаткання — Галілея.

4. Верым, Хрыстус уваскрос, I цуд гэты пэўны, Будзь для нас, Валадар, міласэрны. Амэн. Аллелюя.

42. ПРАСЛАЎЛЯЙМА ЗБАЎЦУ ПАНА

1. Праслаўляйма Збаўцу Пана, / знішчыў смерць Ён і шатана. /Аллелюя, аллелюя! / Сонца, месяц смутак мелі, / усе стварэнні з Ім цярпелі. / Аллелюя, аллелюя!

2. Хрыстус сёння ўстаў з памерлых, / радасць людзям даў нязмерну. / Аллелюя... /Ў гэта свята месяц, сонца / заяснелі нам бясконца. / Аллелюя...

3. Езус Хрыстус у адхлані / даў памерлым дараванне. / Аллелюя.../ Вестку, што нясуць Марыі, / хутка цэлы свет адкрые. / Аллелюя...

4. Сёння ўвесь Касцёл спявае, / Пераможцу праслаўляе. /Аллелюя... /Хрысце Пане міласэрны, / дай з табой паўстаць з памерлых. / Аллелюя...

43. ВЯСЁЛЫ ДЗЕНЬ.

1. Вясёлы дзень для нас настаў, якога свет увесь жадаў: сягоння Хрыстус з гробу ўстаў. Аллелюя, Аллелюя, Аллелюя!

2. Уладар нябесны к нам прыбыў, як цвет на сонейку зацвіў, па смерці з намі зноў зажыў! Аллелюя, Аллелюя, Аллелюя!

3. Пякельну нетру зваяваў усіх злачынцаў пакараў, а грэшным ласку дараваў. Аллелюя, Аллелюя, Аллелюя!

4. Тры дні ў адхлані Ён правёў, там суцяшаў святых Айцоў, пасля з сабою іх павёў. Аллелюя, Аллелюя, Аллелюя!

5. А тыя, ўсе да аднаго, як Збаўцу ўбачылі свайго, загаварылі да Яго: Аллелюя, Аллелюя, Аллелюя!

6. Вітай, жаданы нам, вітай! О Хрысце, нас не пакідай, з пякельнай моцы выбаўляй. Аллелюя, Аллелюя, Аллелюя!

7. Якую ж радасць мелі ў цьме, як Збаўцу ўбачылі ў сабе, Яго здаўна чакалі ўсе. Аллелюя, Аллелюя, Аллелюя!

8. На трэці дзень сам з гробу ўстаў, пячацяў нават не кранаў, а варту страх апанаваў. Аллелюя, Аллелюя, Аллелюя!

9. А як Хрыстос з магілы ўстаў, сваіх Апосталаў вітаў, да Маці Анёлаў паслаў. Аллелюя, Аллелюя, Аллелюя!

10. Анёлы верныя Мае! Да Панны йдзіце вы хутчэй, да Матачкі святой Маёй. Аллелюя, Аллелюя, Аллелюя!

11. Вітайце Дзеву ад Мяне, і заспявайце для Яе: вітае Твой Сынок Цябе! Аллелюя, Аллелюя, Аллелюя!

12. Пасля ў яснасці такой да Маці зблізіўся святой і прывітанне кажа ёй: Аллелюя, Аллелюя, Аллелюя!

13. Будзь поўна радасці ўся, Матуля родная Мая, жалоба скончана Твая! Аллелюя, Аллелюя, Аллелюя!

14. Вітай жа, Езу, мой жывы, Сынок мой любы, залаты, пацеха ўсякае душы! Аллелюя, Аллелюя, Аллелюя!

15. Ах, вельмі радасна ўжо мне! Жывога ўбачыўшы Цябе, як новым свет стаў для мяне. Аллелюя, Аллелюя, Аллелюя!

16. Вось гэтак гутарку вяла, вітала радасна Хрыста, з вялікім шчасцем адышла. Аллелюя, Аллелюя, Аллелюя!

17. О, Езу Божа наш жывы, грахі нам нашы адпусці, душы збаўленне прынясі! Аллелюя, Аллелюя, Аллелюя!

44. ХРЫСТУС ЎВАСКРОСЛЫ

1. Хрыстус уваскрослы супакой прынёс нам, радасць і збаўленне, душам суцяшэнне. Кірые, элейсон.

2. А калі б Ён не паўстаў, свет бы ўжо не існаваў. Людзям радасць дараваў, за якіх жыццё аддаў. Кірые, элейсон.

3. Аллелюя, Аллелюя, Аллелюя. Пан прынёс збаўленне, душам суцяшэнне. Кірые, элейсон.

45. РАДУЙМАСЯ, ХРЫСЦІЯНЕ

1. Радуймася, хрысціяне, бо Хрыстова з гробу ўстанне даравала нам збаўленне. Аллелюя, Аллелюя, Аллелюя!

2. Патрыярхі рады сталі, што ў адхланні прабывалі, як Збавіцеля даждалі. Аллелюя, Аллелюя, Аллелюя!

3. Убачылі Жывога, Ён адняў моц духа злога, ім сказаў ісці да Бога. Аллелюя, Аллелюя, Аллелюя!

4. З гробу камень адваліўся, Хрыстус з мёртвых абудзіўся і Марыі аб'явіўся. Аллелюя, Аллелюя, Аллелюя!

5. Вучні Пана сабраліся, што былі ўжо разыйшліся, па Хрысту засмуцячыся. Аллелюя, Аллелюя, Аллелюя!

6. Мы ўсе разам заспявайма, Ўваскрасенне разважайма, з грэху ўстаць пастанаўляйма. Аллелюя, Аллелюя, Аллелюя!

7. Хрысце, праз Уваскрашэнне дай грахоў нам адпушчэнне, душам вечнае збаўленне. Аллелюя, Аллелюя, Аллелюя!

46. ЗБАЎЦА НАШ

1. Збаўца наш Хрыстос уваскрос — Аллелюя!

Мір і радасць нам прынёс — Аллелюя!

Ён у славе і красе — Аллелюя!

На зямлі спявайце ўсе —Аллелюя!

1. Божую з'явіў любоў — Аллелюя!

У дзіўным, велічным з баёў — Аллелюя!

Смерці ўладу Ён скрышыў — Аллелюя!

Рай нябесны нам адкрыў — Аллелюя!

Хрыстус навучае жыць — Аллелюя! /

Смерць Хрыстовых не страшыць — Аллелюя! /

Смерцю смерць Ён зваяваў — Аллелюя! /

Моц у пекла адабраў — Аллелюя!

3. Шлях адкрыўся нам прамы — Аллелюя!

Там, дзе Хрыстус будзем мы — Аллелюя!

Хто з Хрыстом туг на зямлі — Аллелюя!

Будзе з Ім на вышыні — Аллелюя!

47. СЁННЯ ЎСТАЎ ХРЫСТОС

1. Сёння ўстаў Хрыстос з памерлых: Радуйся, народзе верны.Аллелюя! Хрыстос уваскрос. Аллелюя!

2. За свет людскі, грэхам скуты, Ён аддаў жыццё ў пакутах.Аллелюя!...

3. У дзень светлы, Велікодны, праслаўляйма Збаўцу годна.Аллелюя!...

4. Бога ў Тройцы вызнавайма, чэсць, хвалу Яму аддайма.Аллелюя!...

48 .СЛЁЗЫ З ТВАРУ ВЫЦІРАЙЦЕ.

1. Слёзы з твару выцірайце,

Праганяйце з сэрцаў грэх.

Песні радасна спявайце,

Хай гучыць вясёлы смех.

Уваскрос Пан над Панамі,

Ён жыве, Ён разам з намі.

Аллелюя, аллелюя, усклікайце: аллелюя!

2. Што для Пана варты зброя,

Камень — перашкоды ўсе.

He стрымае злая воля

Цуд, што нам жыццё нясе.

Знішчыць Бога хто стараўся —

Надарэмна намагаўся.

Аллелюя, аллелюя, усклікайце: аллелюя!

3. Бог магутны, Пан натуры,

Што стварыў зямны абшар,

Выйшаў з гробу, знішчыў муры —

Бессмяротны Валадар.

Варта пакідала зброю,

He валодае сабою.

Аллелюя, аллелюя, усклікайце: аллелюя!

4. Езу Хрысце, дай збаўленне,

Далучы і нас усіх

Праз Тваё Ўваскрасенне

Да супольнасці святых.

У небе перад Сынам Божым

Хай хвалу ўзносіць кожны.

Аллелюя, аллелюя, усклікайце: аллелюя!

49. ХРЫСТОС ЎВАСКРОС

1. Хрыстос уваскрос з памерлых! Смерць смерцю зваяваў, парваўшы путы пекла, жыццё нам дараваў.

2. Апоўначы з магілы наш Збаўца ўваскрос; усім верным з неба радасць і супакой прынёс.

3. Зямля ўся затраслася, калі Збавіцель наш устаў з магілы ў славе ў бласлаўлёны час.

4. Анёл там прамяністы на камяні сядзеў, і голасам нябесным "Хрыстос уваскрос!" — ён пеў.

5. Пабожныя жанчыны да Езуса ішлі і міра дарагое з сабой яны няслі.

6. Прыйшлі намасціць цела Валадара свайго: ды толькі ў магіле Яго ўжо не было.

7. Анёлы ім сказалі: "Больш вам не трэба слёз — Хрыстос, Збавіцель свету, з памерлых уваскрос!"

8. Хрыстос уваскрос з памерлых смерць смерцю зваяваў, парваўшы путы пекла, жыццё нам дараваў!

50. О, ЕЗУ ХРЫСТЭ

О, Езу Хрысце, цэлы свет — Аллелюя, аллелюя! —

хвалу, пашану шле Табе. Аллелюя, аллелюя!

Нябёсы песню ўзнялі — Аллелюя, аллелюя! —

і хрысціяне на зямлі. Аллелюя, аллелюя!

Уся прырода ажыла — Аллелюя, аллелюя! —

і зелянець распачала. Аллелюя, аллелюя!

4 .І птушкі спеў свой узнялі, — Аллелюя, аллелюя! — услаўляюць Бога салаўі. Аллелюя, аллелюя.

Праменні сонца зіхацяць, — Аллелюя, аллелюя! —

нам хочуць нова ззянне даць. Аллелюя, аллелюя!

Увесь сусвет хвалу Табе — Аллелюя, аллелюя! —

узносіць сёння ў хвале. Аллелюя, аллелюя.

51. REGINA CAELI

Regina caeli, laetare, Alleluia, quia, quem meruisti portare, Alleluia, resurrexit sicut dixit, Alleluia, ora pro nobis Deum, Alleluia.

ЎЛАДАРКА НЕБА

Ўладарка неба, усцешся, Аллелюя, бо Той, каго пад сэрцам насіла,Аллелюя, уваскрос Ён, як казаў нам, Аллелюя; Богу за нас маліся,Аллелюя.

52. АНЁЛ ПАНСКІ

Анёл Панскі звеставаў Панне Марыі і зачала ад Духа Святога.

Вітай Марыя, поўная ласкі, Пан з Табой,

благаславёная Ты між жанчынамі,

і благаславёны плод улоння Твайго Езус.

Святая Марыя, Маці Божая, маліся за нас грэшных,

цяпер і ў хвіліну смерці нашай, Амэн.

Вось я, слуга Панская

няхай мне станецца паводле Твайго слова.

Вітай Марыя, поўная ласкі,...

А Слова сталася Целам

і пасялілася між намі.

Вітай Марыя, поўная ласкі,...

Маліся за нас, Святая Багародзіца,

Каб сталіся мы годнымі абяцанняў Хрыстовых.

Молімся:

Усемагутны Божа, просім Цябе, улі ў нашыя сэрцы Тваю ласку, каб мы, пазнаўшы праз анёльскае звеставанне ўцелаўленне Хрыста, Твайго Сына, праз муку Яго і крыж былі даведзеныя да хвалы ўваскрашэння. Праз Хрыста, Пана нашага. Амэн.

Калі "Анёл Панскі" ахвяруецца за памерлых, тады дадаецца:

Вечны адпачынак дай ім Пане, а святло вечнае няхай ім свеціць. Няхай адпачываюць у супакоі вечным. Амэн.

53. ЦЯБЕ, БОГА, ПРАСЛАЎЛЯЕМ (ТЕ DEUM)

Цябе, Бога, праслаўляем,

Табе, Пане, хвала вечна,

Неба і зямля спявае Табе,

Ойча векавечны.

Табе, Божа, ўсе Анёлы,

3 імі Моцы і Нябёсы,

Хэрубімы, Сэрафімы

Гімн хвалы адвечны ўзносяць.

Святы, Святы над святымі,

Бог Магутны і Ласкавы,

Над зямлёй і небам слыне

Неабсяжнасць Тваёй славы.

I апосталы, і вучні,

Хор прарокаў, поўны хвалы,

3 імі мучанікаў лучнасць

Аддаюць Табе пашану.

У сугучным хоры льецца

Па усёй зямлі наўкола

Табе хвала з нашых сэрцаў,

Спеў святы Твайго Касцёла.

Сына з Духам Суцяшэння,

Велічы Айца прамністай

Праслаўляе ўсё стварэнне, -

Валадар хвалы Ты, Хрыстэ.

Праз вякі гучыць няспынна

Спеў, што славіць Твае справы.

Пане, ад усіх правінаў

Захаваць нас будзь ласкавы.

Каб жа выбавіць свет цэлы

Праз свае святыя раны,

Сын Айца спрадвечны, цела

Ты прыняў ва ўлонні Панны.

Зруйнаваў Ты брамы смерці,

На крыжы ёй вырваў джала,

Каб для ўсіх, хто ў Цябе верыць,

Радасць вечная заззяла.

Праваруч Айца, у славе

Трон Твой, Збаўца наш адзіны,

Прыйдзеш зноў адтуль у яве,

Каб судзіць людскія чыны.

Грэшным Ты не дай загінуць, -

Будзь нам Збаўцам, не Суддзёю

I абмый нас ад правінаў

Дарагой сваёй крывёю.

Са святымі, у бляску моцы

Захавай Тваіх абраных,

Пане, збаў народ Твой, просім,

Благаслаў Тваіх падданых.

Шляхам нас вядзі бяспечным

У нябесны Ерузалем.

Цябе, Валадар адвечны,

Мы штодзёна праслаўляем.

He пакінь жа свайго люду,

Божа, без Тваёй апекі.

Пану веру, дык не буду

Асаромлены навекі.

Спеўнік 4

benedict — Thu, 01 Oct 2015 07:19:59 GMT

СПЕВЫ ДА МАЦІ БОЖАЙ

54. ВІТАЙ, УЛАДАРКА

Вітай, Уладарка, Маці міласэрнасці, жыцця асалода і надзея, вітай! Да Цябе ўзносяць свае просьбы дзеці Евы, да цябе ўздыхаем, стогнем і плачам у слёзнай даліне. I таму, Апякунка наша, зірні на нас міласэрным позіркам сваіх вачэй. I Езуса, блаславёны плод Твайго улоння, пасля выгнання тога дай нам бачыць. О Ласкавая, о Літасцівая, о Велічна, Панна Марыя.

SALVE REGINA

Salve Regina, Mater misericordiae, Vita, dulcedo, et spes nostra, salve. Ad te clamamus, exules, filii Evae. Ad te suspiramus, gementes et flentes in hac lacrimarum valle. Eia ergo, advocata nostra, illos tuos misericordes oculos ad nos converte. Et Iesum, benedictum fructum ventris tui, nobis post hoc exilium ostende. O clemens, o pia, o dulcis Virgo Maria.

55. МАЦІ БУДЗЕМ МЫ ВІТАЦІ

1. Маці будзем мы вітаці песняю прыгожай, / хоць даволі аніколі даць хвалу не зможа / ні святы пабожны, ні Анёле кожны годны ўславіць, благаславіць Маці Марыю.

2. Я, нягодны, песняй роднай Маці прывітаю / і з бяздоння шлю я сёння мольбы Ёй да раю: / не забудзь на небе грэшніка ў патрэбе, / будзь ратункам, Апякунка, Маці-Марыя!

3. О, цудоўна, ласкі поўна чыстая Лілея, / міласціва, літасціва, грэшнікаў Надзея, / да Цябе ўздыхаем, прагнем ды чакаем / добрай рады і спагады, Маці-Марыя!

4. Свету Панам, Валадарам Ты была абрана, / найяснейша, найсвяцейша, без заганы Панна. / Стала годнай Маці Езуса-Дзіцяці / чыста Дзева, Каралева Маці- Марыя.

5. Месяц, сонца, зорак мноства гэтак не яснеюць, / пры Тваім святым пачацці ўсе яны цьмянеюць. / Больш за сонца ясна, Зорка непагасна, / свеціш ярка, Валадарка Маці-Марыя.

6. Нас ратуеш і кіруеш Ты на сцежкі Бога, / Маці ласкі непарушнай, наша дапамога. / Будзь для нас пацехай, барані ад грэху, / Панна міла, літасціва Маці-Марыя.

7. Мы вітаем, бласлаўляем мудрасці Сталіцу, / Дзеву верну, міласэрну, радасці Крыніцу. / Праслаўляйма хорам поўную пакоры / добру Панну, беззаганну Маці-Марыю.

56. ВОСТРАБРАМСКА МАЦІ БОЖА

Вострабрамска Маці Божа,

Ты прачыстая, прыгожа.

Міласэрнасць Тваёй волі

Свеціць Вільні ў нядолі.

На Радзіме Ты ў чэсці,

З неба шлеш нам добры весці!

Шчасце, мір і згоду ў краі

Нам даеш ад Бога з раю!

Уся Цябе Русь славіць Бела

І Літва, і Польшча цэла,

Бо Ты, Маці, міласціва,

Сваім дзеткам дабратліва.

Іх у смутку пацяшаеш,

Хворых Ты аздараўляеш.

Да Цябе хто толькі прыйдзе,

Той без радасці не выйдзе.

Ты так кожнаму дагодзіш,

Што надзею ў сэрцы зродзіш;

Праз Цябе ўсе правіны

Сын даруе Твой адзіны!

57. О МАЦІ МІЛАСЦІВА

1. О Маці міласціва, Панна літасціва годная падзіву. Марыя! О, заступіся!

2. Ты свету суцяшэнне, / грэшнікам збаўленне, / вернікам натхненне. Марыя! О, заступіся!

3. Няма ўжо пасля Бога / вышэй анікога, / наша дапамога. Марыя!О, заступіся!

4. Прыйдзі ў дзень апошні, / на суд стане кожны / прад абліччам Божым. Марыя! О, заступіся!

5. Спашлі нам злітаванне, / з Табой панаванне / дай жа нам, о Панна! Марыя! О, заступіся!

58. ВІТАЙ, ЗОРКА МОРА

1. Вітай, Зорка мора, / Маці Збаўцы Бога, / Панна Найчысцейша, / брама неба добра.

2. Ты, што прывітана / словам Габрыэля, / умацуй у спакоі, / змый правіны Евы.

3. Вызваль з грэшных путаў, / зрок вярні аслеплым, / аддалі ўсе смуткі, / апякуйся светам.

4. Сведчанне дай, Маці, / узруш малітвай Сына, / Ён прыйшоў, каб збавіць / грэшных ад правінаў.

5. Панна ўслаўлёна, / прыклад, Ты пакоры / збаўленым ад смерці, / будзь для нас узорам.

6. Дай жыццё нам чыста, / шлях сцялі бяспечны, / Езуса дай бачыць, / мець з Ім радасць вечна.

7. Бог Айцец хай будзе / з Сынам праслаўлёны, / і супольна з Духам / Божым улюбёны. Амэн.

59. ЦЕШСЯ, НЯБЕСНАЯ КНЯЖНА!

Цешся, нябесная Княжна! Радуйся, Марыя!

Цешся, бо жалю ўжо няма. Аллелюя! Малі за нас, Марыя!

Годнай была Хрыста насіць. Радуйся, Марыя!

Збаўца жыве — мы будзем жыць. Аллелюя! Малі за нас, Марыя!

Ён уваскрос, смерць перамог. Радуйся, Марыя!

Як нам казаў Сапраўдны Бог. Аллелюя! Малі за нас, Марыя!

Бога малі і будзе так. Радуйся, Марыя!

Мы уваскрэснем праз Хрыста. Аллелюя! Малі за нас, Марыя!

60. БУДЗЬ УЛЮБЁНА

1. Будзь улюбёна, о, Святая Панна, / скрушаны сэрцам шлю я прывітанне, / шлю я прывітанне.

2.Ты Маці Збаўцы Божага Месіі, / наша пацеха апякуйся ўсімі.

3. Да Сэрца Маці грэшнікі ўздыхаюць, / у пакаянні слёзы праліваюць.

4. Маці, ратуй нас у Евіным выгнанні, / хай жа зазнаем ласку злітавання.

5. Бо непрыяцель па зямлі блукае, / душы людзкія паглынуць жадае.

6. О, заступіся, будзь нам абаронай, / дай нам ратунак пад Тваёй каронай.

7. Край беларускі Ты вазьмі ў апеку, / дай згоду, радасць, шчасце чалавеку

8. Маці Святую без грахоўнай плямы / шчыра ўслаўляем на вякі ўсе. Амэн.

61. О МАРЫЯ, МАЦІ БОГА

1. О Марыя, Маці Бога, / Ты ўсім грэшным дапамога. / Неба чыстая Лілея, асвяці нам шлях надзеяй. /